اعتزال ابليس

على باب سفارة كندا ..

لمحت ابليس و ف ايده استماره ..

بقول له على فين ..

قاللي بص ..يا هجره يا اعاره ..

يا عم زهقت كفرت ..

الاقيش معاك سيجاره ..

انا انتهيت خلاص ..

لا نافع وسواس ولا خناس ..

ولا ليا عيش وسط الناس دي عالم مجرمين ..

عندكوا فائض ف الفساد ..

في كل البلاد ..

ومش محتاجين شياطين ..

مليش عيش ف البلد دي ....

بقالي سنين عاطل ...

و انتوا بتعرفوا ..تقلبوا الحق باطل ..

و تسلكوا القاتل ..

و تمشوا ف جنازة المقتول ..

ومفيش مشاكل ..

يا عم ده انا بقيت أوسوس بالمقلوب ...

و أقول للحرامي كفايه بقى توب ..

انت هاتعمل كل الذنوب لوحدك ...

و أنا ابليس أشتغل واعظ ..

ولا كمساري ف اتوبيس ..

يا عم ده انا زمان ..

كنت استنى حد ينسى يسمي ..

وهو بياكل لقمته ..

دلوقتي كل اكلكم ملوث ..

و بصراحه الواحد خايف على صحته ...

ده مفيش ضمير اساسا ..عشان اموته ..

و كل واحد بمزاجه ..

خربانه ذمته ...

يا عم ده كل حاجه اتسرقت ..

وكده الاجيال الجديده ..م الحراميه اتظلمت ..

يا راجل ده من كتر ما لطشت معايا ..

خرجت ف مظاهره ..

مع الناس اللي بتقول كفايه ...

و برضه مفيش فايده

منقول

اول قعدة

بقالى فترة محتارة اكتبلكم الجلسة دى ولا لا......... لكن فى النهاية قررت اختيار الجانت الاصعب وهو الصراحة والوضوح والشفافية ........وانقلكم الجلسة زى ما كانت مع العلم ان الجلسات هتبقى مع ناس مختلفة يعنى مش كلة مرة نفس الشلة ممكن تقسموهم لثلاث شلات:-

1. شله الجامعة
2. شلة البيت
3. ودى شلة احتياطية يعنى ممكن تقبلوها كل فين وفين ونسها مش هيبقوا ثابتين

القعدة دى مع شلة الجامعة

ومع العلم انى خايفة موت من كتابة الموضوع دة لان ردود افعال البنات ممكن تبقى متحيزة .............بس دة اللى حصل يلا نبداء.

دى كانت من فترة من اول يوم نزلت فيه الجامعة ...... وحضرت محاضرة ولم يكن الدكتور وجها جديدا على حيث انى كنت قد قابلته فى غرفة القسم من قبل ...... ودى كانت اول مرة ليه يدرس لدفعتنا......ولذا كان شبه وجهه جديد على دفعتنا

والحق يقال هو جنتل مانGentle man خالص وشيك حبتين...... بس اللى هو يعنى الواحد مش داخل المحاضرة يبص الدكتور لابس ايه ..........عادى دخلت المحاضرة وطلعت نزلت اقعد فى الكفاتريا، واذ بقى الاقى بنات من دفعتنا مكنوش فى المحاضرة المهم سلمنا على بعض وقللنا انت اخذتوا المحاضرة فين ...؟؟ احنا دورنا عليكوا........قلتلهم اصل القاعة اتغيرت وبم ان احنا دفعة صغنونة خالص فكلنا كام بنت فى الدفعة وكلنا اصحاب فكنا قاعدين كلنا مع بعض ........واحنا قاعدين اتفتح الحوار عن المحاضرة واللى حصل فيها وبم انى محضرتش المحاضرة الاولى ودى كانت تانى محاضر ليه يديها للدفعة ........فبدؤا يحكولى اللى حصل فى اول محاضرة ......واحدة قلتلى صح انت معرفتيش اللى حصل فى اول محاضرة ........قلتلها لا ........قلتلى يستى العيال دول فضحونا وشورتلى على اتنين من اللى كانوا قاعدين معانا .........قلتلهم انتوا ديما كدة احكى يابنتى عملوا ايه........قلتلى ابدا المحاضرة الاولى البشوات قاعدوا ورا فى الاخر وقعدوا يبصوا على الدكتور ويعلقوا وهو بدورة خد باله وتوصاش برمى كلمتين حلوين للؤختين اللى قاعدين ورا..............قام قلهم -ده الدكتور- على فكرة انا متخرج بقالى 16 سنة يعنى انتوا لسة كنتوا بتلعبوا حافين

قلتلهم الله يخرب بتكم انتوا علطول مضيعين اسم الدفعة دلوقتى الراجل يقول علينا ايه

المهم سبتهم وقم وانا قايمة اذ بى اققابل بنات من دفة سنة 3 الدفعة اللى اصغر مننا بسنة..........وقفنا نحكى شوية قلتلهم انتوا كان عندكوا محاضرة ايه قالولى شرق ادنى قلتلهم د/...... قالولى ايوة .......... واحدة من اللى واقفين بكل سهوكة تقلى دة قمووووووور خالص ...قلتلها الله هى العدوى لحقت توصل فى ايه يجدعان انتو هطلعوا الراجل متجوز اربعة من القسم دة متلموا نفسكوا دة لسة جديد على البلد حتى.......قالتلى لا منتى معرفتيش لما لقى العيال بتبصله..........قالهم -برضه الدكتور اياه- على فكرة انا متجوز وعندى ولد ومتخرج بقالى 16 سنة يعنى انتوا كنتوا لسة منكشين قلتلهم الله ايه دة القسم سمعته ضاعت

وخلص الحوار واخذت نفسى وروحت وكنت مدايقة من تصرفات العيال دة ممكن للوهلة الاولى يلفت نظرك لاسلوبه اللبق فى الحديث وليس لاكثر من وهله.......بعدها حضرت تانى محاضرة لية واذ بى افاجئ بالدكتور كل ما وحدة تكلمه يقلها بصى على الصورة كل ماحد يتكلم يفتكره بيتكلم عليه كل ما واحد تضحك يفتكر انها معجبة بيه

قلت ايه الحكاية هو العيب فى العيال ولا فى الدكتور هو ايه اللى حصل فى الدنيا ياناااااااااااااااااااس فى حد كدة.........!!!

ودى كانت اول قعدة........وان شاء الله تبقى القعدة الجاية افيد ........... بس للعلم القعدة المفيدة ممكن تبقى كل شهر مرة يعنى كل كلام البنات غالبا مش مفيد قوى

انتظرونا فى ثانى جلسات قعدة بنات

قعدة بنات

هى الفكرة فى دماغى من زمان ..........وبقالى فترة بفكر فيها.........مش علشان كل قعدات البنات بتعجبنى........لالالالا......خالص ..........الموضوع دة جيه فى دماغى لسبب بسيط جدا.........ان معظ قعدات البنات بتستفزنى موت............مش الاقعدة الكلام اللى بيتقال فى الاقعدة ......ولذا قررت نقل بعض الصور دى ...........للناس ..........ان شاء الله هنقل الحالتين يعنى.....المواضيع الجد.........ودى غالبا قليلة........والمواضيع اللى ممكن يطلق عليها كلمة هايفة .......ويمكن اللى تقرى الموضوع دة يتحاول تاخد بلها من الكلام اللى بيحكوا فيه وتقلنا لقيته ايه ....؟؟؟ هايف ولا بجد ......انا مابقلش ان المفروض كل الكلام يبقى جد ........بس مش المفروض ان حيتنا كلها تبقى هزار فى هزار
على العموم انتظروا منى ان شاء الله حلقات........ممكن نقول عليها قعدات كتير وكتير
ممكن تكون الجلسة الاولى بكرة
وهذه صافرة البداية
يلا نبدا

اعذرنى

لا ادرى اذا ماكانت قارئة هذه الكلمات تعلم انها لها ام لا او انها اصلا ستقرؤها ام لا ،ولكنى سأكتبها وارجو منها ان تسامحنى لا استطيع التفكير فى هذه الايام الابك فارجوك سامحينى لان الظروف كانت اقوى منا ،وهى التى دفعتنى لافعل ذلك،ارجو منك ان تذكرى تلك الكلمات دائما وان لا تغضبى منى اذا ماعلمتى انى قد فعلت ذلك بيوم من الايام ، فارجوكى ان تسامحينى ، واتمنى ان تتذكرى تلك الكلمات لعلى اذكركى بها بيوم من الايام ................!

بأحرف من ذهب اسجل فوز المنتخب

مبروووووووووووووووووك لمصر عارفة ان كل اللى هيقراها هيقول هى لسة فاكرة بس كان فى ظروف ومأدرتش ادخل بس اول مادخل كان اول كلامات تكتب للمنتخب الوطنى ولمصر

الله على المصرين

فرقتنا الأيام

اصعب ما يمر به المرء –في نظري- هو الفراق، وبالأخص فراق الأحبة ، وظن أن هذا هو اصعب ما قد أكون قد ممرت به من خلال حياتي القصيرة .
فراق أناس أحببتهم وأحبوني ، ورغم ذلك قد فارقتهم ، أبعدتنا المسافات والأيام، ولم اعد أراهم إلا عبر شريط ذكرياتي، أتذكر أيامي معهم كيف كنا نفرح نلهو نمرح نتجاذب الأحاديث وننكب على الطاعات ، وكيف قد اثر كل منا في الآخر ، و أتذكر أيضا كيف كنا نرى مستقبلنا ،................ولكن مع أول تغير بحياتنا تبدلت كل أحلامنا ، و أصبحت اقرب للسراب منها للحقيقة .
اذكرها دائما..........ولا أدرى.............أتذكرني هي........؟؟ أرجو ذلك...!!
لا اعرف إذا ما تقابلنا في يوم من الأيام .......ماذا سأقول لها.....؟؟...آآآآآآه.... هل ساجد كلمات أقولها ....... لم اعد اعرف........أظن أنى عندها سأظل صامتة لن أتحدث.............أستطيع القول أنها قد آخذتنا الحياة....
كلما قررت الابتعاد عنها وتركها لتحيى حياتها بهدوء و جدني ارجع مرة أخرى ........وجد ما يجذبني لها........أهي........أيامنا ........؟؟أحلامنا.......؟؟ماضينا .........؟؟مستقبلنا......؟؟ذكرياتنا معا.......؟؟لا اعرف........... ولكنى اعرف أن كل لحظة عشتها معها كانت من اجمل لحظات حياتي
وما يدفعني للبقاء على ما مضى ومحاولة الحفاظ على أخر أمل لي قد يربطني بها هي كلمات قد قيلت لي عندما حدثت شخصا عنها ،وقلت له أني مستاءة من ابتعادها عنى ، وأنى أفكر بالرحيل عنها، قال لي عندها" إذا وجدتي شخصا أحببته واحبكي وتعلمين انه شخصا صالح فلا تتركيه وكلما ابتعد اقتربي أنت منه ، فمن الصعب أن يجد المرء بحياته اكثر من شخص بهذه المواصفات ، يمنحه كل هذا الحب..."
و ها أنا افعل ذلك ولكنى كلما اقتربت...بعدت هي......لا لأنها لا تحبني.....و إنما فرقتنا الأيام......!!!!
كلمات كتبتها من قلبي وأنا أتألم لذكرى هذه الأيام بتفاصيلها لأعز صديقة و أغلى إنسانية قد قابلتها بحياتي