اكيد ناس كتير هتبص للعنوان والصورة وهيشعروا بتناقض فظيع هو اى نعم انا فرحانة جدا لانى خلص مذاكرة بس زعلانة مووووووووووووت لانى مش هروح الجامعة ومش هذاكر اثار تانى ومش هشوف اصحابى كل يوم وانى مبقالش ورايا حاجة اعملهاتصوروا ياجماعة واحدة بقلها 15 سنة بتدرس فجأة يقولولها لا كفاية عليكى لا بقى انا مش عايزة اقعد فاضية هو اى نعم هدور على حاجة اعملها بس الاحساس بالفراغ وحش ملحوظة "انا لسة محستش بالفراغ"
احساس بالمجول عارفين لما تبقى مش عارف ايه اللى انت ناوى تعمله فى حياتك متعرفش هتعمل ايه بعد كدة مش عارفة حاجة انا مضايقة انى خلصت ........... وتعبانة علشان لسة هستنى شهر استنى فى النتيجة مبحبش استناها ......... ادعولى .......تطلع حلوة ان شاء الله ........وكمان استنوا اول بوست بعد المذاكرة وقرف الامتحانات
هناك 10 تعليقات:
أولا الف مبروووووووووك
غمة و انزاحت يا شيخة صدقيني :D
ههه
ثانيا :
عشان تشغلي فراغك مؤقتاً اقعدي ادعيلي و ادعي لبتوع الثانوية بالمرة و زودي الدعوات بكرة عشان هما عندهم انجليزي وانا عندي رمد
...
كل دة تهريج
بصي
لو انتي جدية
ممكن تبدأي تاخدي كورسات و تدوري علي شغل
اعتقد ان آثار دول مستقبلهم فل في مجال السياحة
يعني تقريبا معظم المجالات اتضربت في مصر و السياحة لسة بتعافر
المهم
خديلك بس قسط قليل و أكدي علي قليل عشان متتعوديش عالكسل
خيلك قسط قليل من الراحة
وابدأي رحلة البحث
و التعلم
من هنا
نقطة و من اول السطر في حياتك
هتبدأي تتعلمي بجد
حاولي تبنيها صح بقة
...
ربنا يوفقك و يكرمك دايماً
واتمنالك كل التوفيق
....
سلامون عليكي
مش تقلقى يعنى
العملية هتمشى بردو
هو احساس بيجى بعد متخلصى
بس بكره هتشغلى بحاجت كتير
سيبها على الله
وهيا تفرج
وسلاااااااااام
حمد لله على السلامة بعد الغياب الطويل ده.. ويا رب تكوني وفقتي في الامتحانات والنتيجة تيجي زي ما تتمنيها واحسن
والف مبرووووووووووووووك انك خلصتي مرحلة الدراسة ودخلتي في مرحلة جديدة تماما من الحياة.. ممكن تكون اصعب.. بس هي دي سنة الحياة
بالنسبة بقى لمرحلة ما بعد الجامعة.. فالمعروف انك هتدوري على شغل.. ولحد ما ربنا يوفقك هتنضمي لجموع العاطلين من الشعب..أو تستني ابن الحلال لحد ما يجي.. بس المهم انك انتهيتي من مرحلة مهمة من حياتك وانشاء الله القادم اسعد واحسن
تقبلي تحياتي
مصري غلبان
مبروك الأجازة وعقبال النتيجة ان شا الله كويسة
اولا نونا طبعا انا ممكن لالالا اكيد اقدر اقولك نونا عادى
المهم الله يبارك فيكى انت بتقولى فيها فعلا انا هبدا كورسات ان شاء الله اما عن مجال السياحة فيها نقاشات كتير بس ادعيلى انت بس على التيجة وانا هدعيلك على كل حاجة رمد وباطنة وكله كله ربنا معاكى اما الثانوية العامة دى مش محتاجة وصاية دى فى كل بيت فى مصر
سلام ياقمر
مجرد حكاية
=========
اخير ظهرت تانى على مدونتى لا منور بجد بجد وبلاش الغيبة الطويلة دى الله يبارك فيك وعقبالك كدة لما تخلص خالص بس على الاقل انت هتبقى عارف هتعمل ايه مش هتبقى زى ..... عارف هتعمل ايه هتدخل الجيش هههههههه بهزر من غير زعل .
ادعيلى انت بس على النتيجة وهو ربنا يستر
فنان
====
ابدا القلق دة حاجة طبيعية وبعدها تقريبا بيروح واحدة واحدة لان الانسان بيبداء يفقد الاحساس بكل اللى حواليه
فى حب مصر
========
الله يسلمك المشكلة انى مش عايزة اى شغل عايزة شغل فى مجال دراستى ربنا يسهل مش مهم الشغل قوى عندى مش فارقة معايا لانى عارفة انى لو هشتغل فى الارشاد لازم يبقى معايا اقلها 3 لغات بتكلمه كويس جدا منهم لغة غريبة والموضوع دة صعب
بس انا ان شاء الله هبداء اول لغة منهم قريب بس مش علشان الشغل علشان نفسى
ادعولى ياجماعة بجد علشان النتيجة علشان هيتوقف عليها حجات كتير ادعولى كتير
بالتوفيق إن شاء الله
مارأيك لو كونتم مجموعة الهدف
تجتمعو على هدف أوقضية
ثقافي دراسي ديني إجتماعي سياسي
أي هدف ذو قيمة يمكن أن تجتمعو عليه
وقتها سنجد على باب غرفتك لافته
ممنوع الإزعاج
الواجبات أكثرمن الاوقات
في وجود هدف أو قضية
لافراغ
نسيت تعليق
مادمت تعرضين رأيك وفكرك على الملأ
ثم تطلبي أن أقول رأيي فى الكلام اللى فوق دة
فليس من حقق أن تشرفي على رأيي فتوافقي أولا علتى نشره
مهما كان سخيفا أو تافها
هذه أبسظ قواعد حرية الرأي
إرسال تعليق