الأحد، 24 أبريل، 2011

يوميات ثائر فى التحرير


ليلة 25 يناير:-
كنت قاعدة على الفيس بتكلم مع واحدة قربتى فبتقولى: هتروحى التحرير بكرة
قلتها: "لا"
قلتلى: ليه ....؟؟
علشان انا مش مقتنعة اصلا باللى هيحصل .... هم ليه هيعملوا مظاهرات دلوقتى ...؟؟ ايه الحدث الاجل اللى يخلى البلد كلها تثور علشانه دلوقتى ولا حاجة غير ان تونس عملت ثورة واحنا عايزين نعمل زيها انما ايه السبب مافيش المرادى ........ كان عندنا اسباب كتير مش تخلينا نثور بس دى تخلينا نولع فيهم واخرهم انخبات مجلش الشعب اللى اكتسح فيها الحزب الوطنى - سابقا- وخرج علينا اباطرته يقولوا ان دى ارادة الشعب وان الشعب كسب باغلبية ساحقة وكانت الكلمات اكثر من مستفزة وصمت الشعب ولم ينطق ببنت شفه انا ايه اللى حصل دلوقتى يخلى الشعب يعمل مظاهرات غير ان تونس عملت ثورة ........ واتبعت كلامى قائلة وبعدين فى حد هيعمل ثورة يروح يقول للحكومة يا حكومة والنبى خدى بالك احنا يوم 25 هنجمع كلنا وهنعمل ثورة والتجمع الساعة كذا والتجمع فى المكان الفولانى دى مش ثورة دول بيهزروا
قلتلى : المهم الواحد يعمل اللى عليه ......
قلتلها : طب انت نازلة بكرة
قلتلى: نفسى بس بابا مش راضى علشان انا بنت
قلتلها : ياعم سيبك دى مش ثورة انا مش هنزل وخلاص وخلص الحوار وقمت انا .

يوم 25 يناير صباحا قناه الجزيرة تنقل خبر ان هناك مظاهرات فى ميدان التحرير وان الامن يتحلى بظبط النفس والمتظاهرين سلمين ثم اعرف ان هناك اناس اعرفهم فى الميدان الان والقنوات تنقل ان الوضع ما زال مستقر نسبيا المتظاهرون يعلنون نيتهم للبيات فى الميدان ......"نقلا عن روايه احد المتواجدون فى الميدان " تبداء الشمس بالمغيب وقوات الامن مازالات ثابته والمتظاهرون متمسكين بالبيات وفجاءة تتغير الوجوه وتختفى قوات الامن المركزى وتظهر اجسام ووجوه اكثر حدة وصرامة " القوات الخاصة " دى ناس مش بتتفاهم يحكى انه سأل ظابط القوات الخاصة انتوا كنتوا بتقولوا دول شوية عيال سيس لما يجى وقت الغداء هيروحوا يكلوا بس احنا مش مروحين رد قائلا هتروحوا يابابا ...... رد نروح مين احنا بايتين هنا ....... قاله هنشوف الساعة 12 مش هيبقى فى كلب فى الميدان
وهنا بداء استخدام العنف القناب المسيلة للدموع والرصاص المطاطى .......... وبالفعل عندما دقت الساعة معلانة الثانية عشر ليلا كنت ترمى الابره فى الميدان ترن لم يتبقى فرد فى الميدان وبهذا انتهى يوم 25 بمغادرة المتظاهرين للميدان على اتفاق بالعودة غدا على ان تكون مظاهرة ضخمة يوم 28
عندما سمعت ماحدث فى اليل قلت لا دة استهبال رصاص وقنابل لا يعنى لا وهنا قررت المشاركة
والبقيه تاتى

الأحد، 21 نوفمبر، 2010

شريط الذكريات




دائما ما كنت اسمع هذه العبارة من اناس كثر ولكنى لم اكن اعلم انهم يشاهدونه حقا وكأنه واقع ، هذا ما حدث لى عندما ذهبت الى بلدى اخذت اشتم ريحها لم اشعر بطيبه هكذها من قبل ، وعندما وقفت امام منزلنا مر امامى شريط لبعض ذكرياتى ايام المدرسة الجامعة اصدقائى احبائى كل شئ ، وعندما وطأت قدماى ارض منزلنا اخذ هذا الشريط يركض امامى لارى كل ايامى التى كنت احياها ببيتنا الكبير لمدة قاربت الاثنى عشر عام سمعت به اصوات الضحكات ، اصوات اقدامنا عندما كنا نركض به نلعب نلهو نتشاجر ونتسامر ، رايت اخوتى ابى امى واصدقائى حياتى باكملها سارت امامى بثوانى عديدة ، وعندها هتف داخلى صوت يسال لماذا لا تعطنى الحياه بعض ما اتمناه؟؟ لماذا تسلب منى شئ لكى تهبنى اخر ؟؟

الخميس، 10 يوليو، 2008

نهاية مدونتى

تهرب منى الكلامت احاول الامساك بها ولكنها تابى على من اصعب القرارات التى اتخذتها وهى اغلاق المدونة او اعلان اغلاقها فرحت بها جدا وفرحت بمن تعرفت عليهم وعلى كتاباتهم من خلالها كانت مثل بيتى الصغير مكانى الوحيد الذى احدث به بطلاقة وبراحة ولكن جاء اغلاقى لها بعد صراع صعب كان سببه تجاوز بعض الاشخاص فى استخدام الالفاظ وحذفى لبعض تعليقاتهم ومن بعدها قررت عمل اشراف ولكن هناك من اعترض وقد كان خالى العزيز وفكرت فى الاغاء التعليقات ولكنى لم استطيع كيف اكتب شئ ولا ارى ردا عليه اذا لماذ اكتبه من الاساس لاحدث بيه نفسى فانا احدثها كثيرا وعندما قلت لخالى انى سالغى التعليق قال لى ستصب كالصحرا وعندما قلت له اسبابى قال لى هذه ضريبه العلنى وانتم - يقصدنى انا ودواير ابنته - اخترتم العلنى ولكنى فكرت كثيرا بها الله ام المدونة هل يرضى الله هذا ام لا ولكنى رايت ان بها انها اقرب للخطاء منها للصواب وما فرقت عن الشات على الميل ولهذا كان قرارى الصعب فى غلق المدونة
هذا الى جانب بعض اسبابى الخاصة ..............
واخير الوداع يامدونتى
.........

الاثنين، 16 يونيو، 2008

اسطر من كتاب ذكرياتى

ربما كان الحزن يخيم على كتاباتى القادمة .......... ربما لفراقى لاناس كثيرون ممن احببت ........... وربما لتغير حياتى ........ لا اعلم حقا ما هو السبب وارء كل هذه الاحزان ........ ولكنى امر بها هذه الايام ........ حالة من التخبط امر بها مابين الماضى والمستقبل ....... الذكريات وما هو آت ..........ولكن بالنهايه حلة من الشجن تسرى بداخلى لا اعلم لماذا ولكنها بداخلى ...........؟؟؟؟!!!!
================================
كنت اجلس ليلا بشرفة منزلنا عندما داعبت وجنتى نسمات الليل البارد تحمل معها اكاليل الحب ، فهز قلبى حنينى للايام الخاولى ، وجلست اتذكر كيف انقضت ايام عمرى وكيف استنشقت رحيقها فتصفحت ذكرياتى لاجد اجمل لحظات حياتى ، واقابل بين طياتها احب اناس عرفتهم - بايام عمرى المعدودة- لا زلت اتذكرهم ............
اناس مروا بحياتى جلسنا تسامرنا وذهبوا ........ لا بل ضاعوا بين طيات الكتاب ........... كتاب الذكريات حيث الزحام .
و ورجعت اتصفح ذكريات عمرى ارى احب اناس عرفتهم .... عشت معهم اياما وايام ..... تقاربنا اختلطت انفاسنا كم جمعتنا اياما سعيدة واخرى غير ذلك ....؟؟!! ولكنى كلما اذكرهم احن اليهم ، وكلما مرت بيا الايام اشتممت رائحة تلك السنوات ......... كم كانت رائعة !!.......لا استطيع تخيل انى سوف افارقهم يوما ما .......... كبرنا سويا ........ لعبنا وتشاجرنا صغارا ......... تحدثنا واختلفنا كبارا ......... مازلنا نتحدث ......... نتذكر الماضى ونبتسم ونتعاهد على ان نظل هكذا ما طال بنا الامد.
اما عن صفحاتى التى لم يجف حبر ذكرياتى بها بعد هى ايامى الحالية والتى لا اعرف ماذا تخبؤ لى ....... اهو حزن ام فرح "عله خير" ، اتذكرهم رغم انى لم افارقهم ......ولكن احساس الفراق الذى سيأتى بعد ايام يزلزل قلبى ويهز كيانى ........اصدقاء ربما كانت هذه الكلمة لاتحمل ما اكن بداخلى لهم ولكنهم اجمل واعز واحب اصدقاء قابلتهم ........ قضينا ياما كثيرة ، تقاسمنا قوتنا ، تجاذبنا الاحاديث ، تعاهدنا الا تاخذنا الايام ........ولكن هل ستبقى لنا الايام مجالا للتفاوض ؟؟؟؟............. ستفرقنا يوما ما ........ ولكنى اقسم انى لن انساكم ....... سأذكركم بكل ايامى ........... بكل شبرا وطأته اقدامنا سويا ......... بكل ضحكة تبادلناها من القلب الى القلب .
فارقت اشخاصا كثيرون بحياتى ولكنى اجد فى كل مرة طعما مختلف ....... ولكنه دائما مر ........ ولكن بالنهاية
(مادمت حيه ......... دام الفراق ........ هكذا قالتها الحياه ....... وصدقها الزمن .......... وتردد صداها باعماقى )


الجمعة، 13 يونيو، 2008

خلاص خلصت للابد

اكيد ناس كتير هتبص للعنوان والصورة وهيشعروا بتناقض فظيع هو اى نعم انا فرحانة جدا لانى خلص مذاكرة بس زعلانة مووووووووووووت لانى مش هروح الجامعة ومش هذاكر اثار تانى ومش هشوف اصحابى كل يوم وانى مبقالش ورايا حاجة اعملها
تصوروا ياجماعة واحدة بقلها 15 سنة بتدرس فجأة يقولولها لا كفاية عليكى لا بقى انا مش عايزة اقعد فاضية هو اى نعم هدور على حاجة اعملها بس الاحساس بالفراغ وحش ملحوظة "انا لسة محستش بالفراغ"
احساس بالمجول عارفين لما تبقى مش عارف ايه اللى انت ناوى تعمله فى حياتك متعرفش هتعمل ايه بعد كدة مش عارفة حاجة انا مضايقة انى خلصت ........... وتعبانة علشان لسة هستنى شهر استنى فى النتيجة مبحبش استناها ......... ادعولى .......تطلع حلوة ان شاء الله ........وكمان استنوا اول بوست بعد المذاكرة وقرف الامتحانات

السبت، 26 أبريل، 2008

التاج

فكرة التاج دى عجبتنى خالص لما شفتها على مدونات كتير......... وكنت بسأل نفسى كتير هو ممكن يجلى ...... طب لو جالى ممكن يبقى من مين..........وها هو الحدث الاكبر جاااااااااااااااااااااااااااااالى التااااااااااااااااااااااااج ومن مين .............. من حببتى دواير .................. ولكن لما جالى فكرت كتير هو انا ممكن اقول 10 حجات عن نفسى ومن سعتها وانا بفكر.......وحولت اجمع كلام جوايا وكلام ناس كانوا قلهولى عنى .........ز وهم دول اللى وصلتلهم ......... بس لما وصلت لل 10 قلت لنفسى لا انا عايزة تانى ......مش هطول عليكم ........ وهقولكم ايه هما ...... بس فى الاول قواعد التاج وهى :
1 / أذكر 10 أشياء عن نفسك
2 / اختر 5 أشخاص تهدى لهم التاج
3 / لا تهدى التاج لمن أهداك اياه
4/ أترك لصديقك الذى أهداك التاج بان التاج نزل وتعالى شوفه......

اما عن العشر اشياء.............
  1. بثق فى الناس بسرعة وعلشان كدة بتصدم فى ناس كتير
  2. شخصية اجتماعية جدا
  3. بحب علتى الصغنونة وبقول لجدى الله يرحمه وحشتنى جدا ، وتقريبا من اكتر الشخصيات الطاقة فى العيلة
  4. شخصية رومنسية
  5. شخصية مرحة جدا بس لما بدايق ببقى كئييييييييييييييييييييييبة جدا لابعد الحدود
  6. بتكلم كتير وعلشان كدة بغلط كتير ملحوظة " بحاول ابطلها"
  7. بتاثر باللى حوليا ، واللى ميعرفنيش بيقول عليا خنقة بس بيغيروا رايهم لما يقعدوا معايا قعدة واحدة ، ولما بيعرفونى بيقولوا عليا مكبرة دماغى
  8. ناس كتير ممكن تضحك على الكلمة دى بس دى حقيقة وهقولها ......... كان نفسى ابقى ولد لان الولاد فى البلد دى وخدين حقهم بالجامد....بس بحب جدا ان انا بنت
  9. شخصية يعتمد عليها ، وبعرف اتصرف فى المواقف اللى بتحط فيها
  10. واهم حاجة بقى سبتها للاخر علشان تبقى مسك الختام بحب بلدى وبكره اللى نهبنها
بهدى التاج لـ :--<
  1. مجرد حكاية
    /
  2. فنان جلوجى
  3. فى حب مصر
  4. الشخص الذى سياتى يوم
  5. نعكشة

السبت، 12 أبريل، 2008

اجازة




لالالالالالالالالا اوعوا تفكروا ان دى اجازة من الدراسة لا لا خالص دى اجازة لاسباب اخرى




اولا لانى هكون فى رحلة .......... بس رحلة علمية يعنى رحلة بالاسم يعنى مش هنتفسح


ثانيا لانى هرجع يدوب الحق ابص على اسماء المواد اللى عليا ويمكن ملحقش اذكرها ربنا يكرم فا استودعكم الله لانى هاخد اجازة طويلة حبة بس اكيد مش هقدر ويمكن انزلى بوست ولا بوستين على ما قسم كدا........

الأحد، 6 أبريل، 2008

العيال اتقبض عليهم



ياجماعة البنت اللى عملت الجروب بتاع الاضراب على الفيس بوك والجماعة اللى معاها اتقبض عليهم

ادخلوا تابعوا اخبار الاضراب من هنا

طب لو قلبنا الحال............. هتبقى ايه الصورة



معلش هو سؤال رخم ويمكن يكون غبى حبيتن بس بقاله فترة فى دماغى.................؟؟؟


هى هتبقى ايه الصورة لو قلبنا الوضع................؟؟؟


بمعنى...........


الحكومة تبقى فى المعارضة والمعارضة فى الحكومة ................؟؟؟


وطبعا مش كل المعارضة هتبقى فى الحكومة ........... هيبقى حزب واحد ...........؟؟؟


تفتكروا باقى احزاب المعارضة فى الحالة دى هتروح فين ................؟؟؟


هيفضلوا يسار ولا هيروحوا الناحيةالتانية .............. اليمين يعنى ........؟؟؟


طب لو الحكومة بقت معارضة .......... هيبقى ايه موقفها ............؟؟؟